August 06, 2024: Ekta dui din laga orientation workshop, Elect hoi kena thaka Councillors khan nimitey shuru kurishey, ekta inaugural programme logotey, Chief Minister, Neiphiu Rio logotey, tai tatey Chief Guest thaki kena, Capital Convention Centre, Kohima tey, 6th August, 2024 tey.
Itu inaugural programme tey kotha kuri kena, Chief Minister, Neiphiu Rio para itu outset tey itu sob elected Councillors khan ke congratulate kurishey, aru itu Civil Society Organizations, Tribal Hohos aru NGOs khan ke bhi thanks janaishey, ekta shanti para aru successful para itu ULB Election 2024 toh conduct kuriboley para nimitey. Tai para koishey itu ULB toh hoiley local governance laga backbone asey aru itu toh hoiley vital asey, hudai din ki lagi asey manu khan ke, itu laga address kuri kena.
Rio para mention kurishey ki, itu State Assembly para juldi hey, itu anti- defection law pass kuriboley, ensure kuriboley karney ki, itu urban municipality khan aru town council khan toh majbut aru thik thak asey koi kena. Tai para aru bhi itu ULB ke encourage kurishey, revenue generate kuria laga asset khan opor tey develop kuriboley focus kuriboley koishey, kiley koiley tax khan para revenue generate kuria toh limited asey itu State tey, kunba local condition karney.
Itu CM para koishey ki, itu Government toh hoiley ekta ekbar-nimitey grant provide kuriboley asey, itu ULBs laga designate thaka office building khan aru kaam kuria laga jaga khan toh setup kuriboley.
Urban Development aru Municipal Affairs laga Advisor – Zhaleo Rio para bhi itu programme tey kotha kurishey, aru khata para brief kurishey, itu lamba aru challenging journey toh, itu State para endure kuria laga, itu ULB elction khan conduct kuria toh success hoa toh.
Commissioner & Secretary, Municipal Affairs & Urban Development, Kekhrievor Kevichusa, IPoS para welcome address dishey, aru Addl. Director aru HoD Municipal Affairs laga Directorate – Solesul Chuzho para vote of thanks janaishey.
Add Comment