August 06, 2024: Itu Peren District Planning & Development Board (DPDB) laga August muhina laga meeting loishey, itu MLA & Chairman DPDB Peren, Namri Nchang laga chairmanship under tey, 6th August, 2024 tey, DC laga Conference Hall, Peren tey.
Itu meeting toh hoiley welcome note logotey shuru hoishey, itu Deputy Commissioner & Vice Chairman DPDB Peren, Hiazu Meru, NCS para koi kena, aru itu pichetey, notun member – Kughato Sema, GM (DIC) Peren laga introduce kurishey.
Jawa muhina laga meeting laga ekta khata overview loi kena, itu DC para inform kurishey ki, ekta circular toh hoiley agey para di dishey koi kena, office compound khan maintan kuriboley laga, itu sob Office khan laga Head khan ke, District HQ tey, tai khan kaga clear outgrowth khan direct kuri kena, tai khan laga aas paas laga office premises tey.
Itu meeting tey, itu di kena thaka agenda khan toh hoiley kotha kurishey aru approve kurishey: DPDB Award, Peren District Task Force, Raasta tey aru police outpost establish kuriboley, District HQ tey. Aru itu logotey,itu house para Information Assistant (IA) Office laga upgradation kuriboley laga approve kurishey aru recommend kurishey, Tening tey, Assistant Public Relations Officer ke, aru Information Assistant (IA) Office nimitey ekta post banaboley laga approve kurisehy, Jalukie tey aru Ahthibung sub-division tey.
Add Comment