August 06, 2024: Ekta Emergency meeting loishey, Relief Camp Tuensang Village C/Khel tey, 05th August, 2024 tey. Itu meeting tey, Deputy Commissioner, Tuensang, Lithrongla Tongpi Rutsa para itu role aru responsibility opor tey highlight kurishey, alag alag department khan laga, itu Relief Camp tey. Tai para itu bhi koishey ki, escalate kuri thaka situation hoa nimitey aru bhi Relief camp aru Night sift Camp toh hoiley activate kuriboley asey aha din khan tey. Tai para itu bhi request kurishey ki, judi kunba ahi asey aru jaishey itu relief camp para, itu toh hoiley DDMA Camp Tuensang Village C/khel ke report kuriboley lagey, information aru record khan rakhiboley. Tai para highlight kurishey ki, kiba kibi itu Press ke report kuriboley asey koiley, Media Officer para kuribo, Responsible Officer DDMA, incidental Commander aru Deputy Incidental Commander laga approval thaki kena.
Temsu Wangshi Jamir, Nodal officer, DDMA para highlight kurishey ki, relief camp bhi Consulting aru rehabilitation centre hisap tey function kuriboley asey, kotey hudai din laga kaam kuria khan ke pay kuribo, itu centre tey, itu relief camp tey kaam kuria pichetey.
Add Comment