New Delhi, August 07 : Filmmaker Varun Grover ke enaka lagey ki Bollywood te film writer khan logotey na-insaafi korey. Kotey bisi manu khan para film laga promotional material para film writer(film likha manu) khan laga naam hataidiye. Tai para koisey ki etu na-insaafi tu khali nutun writer khan logotey ekla kora nohoikina, poila para thaka mashoor writers jaiseki Gulzar aro Javed Akhtar khan bi jhelisey.
Ekta interview te, Varun Grover para yaad kurikina koisey ki kinaka tailaga writer friend logotey Bollywood laga ekta so-called ‘masiha director’ para na-insaafi kurisey. Hoilebi, Varun para kunlaga bi naam lobole mana kurisey.
Varun para koisey ki tailaga ekta sathi tu recently ekta bisi dangor filmmaker logotey kaam kurisiley. Etu filmmaker tu eman commercial film(profit kama laga film) nabanai. Hoilebi tai middle-of-the-road cinema banai. Tai 30 years opor kaam kuri asey. Aro tailaga fan khan para taikey ‘masiha’ nisna maney. Aro filmmaker laga ekta pura generation tu etu manu para inspire hoikina asey. Amilaga sathi tu tailaga film nimitey dialogue likhibole thakisey. Hoilebi taikey etu filmmaker para dialogue aro screenplay duita bi likhibole lagibo koisey. Aro tailaga sathi, kun ekta mashoor comedian asey taikey khali Rs 50,000 disey. Hoilebi olop kotha kora picheyte tailaga fee ke Rs 3 lakh tak baraidisey.
Varun para agey barikina koisey ki etu tu Screenwriters’ Association para bana kanoon laga khilaf te asey. KOtey ekjun para writer ke dialogue likha nimitey Rs 12 lakh para komti pay kuribole naparey. Aro dialogue aro screenplay duita bi likha nimitey Rs 20 lakh maan para komti pay kuribole naparey.
Varun para koisey ki etu na-insaafi tu ekta mashoor director para kurisey kun hodai 3 saal te ekta nutun movie release korey.
Add Comment