NEW DELHI, NOVEMBER 16 : Friday din Tamil Nadu osorte ekta kathara nahua mousom Cyclone Gaja koi kena ekdam biya pora huikena thakise. Etu time te manu kan nai-nai koilebi 11 jun muraidese. Etu karne Tamil Nadu Sorkar kan pora etu nahua kuridiya khor manu kan ke Rs. 10 lakh debole kuribo koi kena janaise.
Etu Cyclone aha time te Coastal Twons kan kobi Cuddalore, Nagapattinam, Thondi aro Pamban kan Tamil Nadu laga aro Karaikkal koi kena Puducherry laga toh moderate pani toh kerikena thakise koise. Tail Nadu State Disaster Management Authority pora janaidiya hisabte nai-nai koilebi 76,290 manu kan toh etu nahua mousom pora tusera jaka te jaijaise. Etubi 300 relief centres kan kobi 6 ta Districts laga te. Etu 6 ta Districts kan majutte Nagapattinam, Pudukottai, Ramanathapuram aro Tiruwarur kana se koise. Aro etu nahua mousom biya pora hua karne bi Nagapattinam jaka te toh Educational Institutions kan toh baan kuride kena thakise koise.
Weather Office pora janaidiya hisabte etu nesena nahua mousom pora pani ekdam kerikena thakibole laga jaka kan toh Cuddalore, Nagapattinam, Karaikal, Tirucarur, Pudukkottai, Tuticorin aro Ramanathapuram Districts te keribole ase. Etubi 20 cm kathara hisabte koi kena jaanise.
Etu nahua chamala pura-puri diktar kuride kena thaka karne Home Minister Rajnath Singh pora Home Secretary Rajiv Gauba logot thik pora saidebole kuribi. Aro Tamil Nadu kan ke thik pora motub kan kiman ase etu kan kuride kena thakibole kuribi koi kena janaise koise.
Add Comment