National Press Day manaise

KOHIMA, NOVEMBER 16 : Finance Minister Arun Jaitley pora Friday din National Press Day manaidese. Etubi New Delhi te. Aro Press Council of India laga Chairman CK Prasad pora koa hisabte etu Journalism nemite National Awards for Excellence debole janaise. Etu ke ekta bhal Journalist aro Chairman, Hindu Publishing Group, N Ram bi naam te ase koise. Etubi Raja Ram Mohan Roy Award bitor laga naam pora. Nagaland te bi etu Press Day toh Kohima Press Club, Dimapur Press Club, Mokokchung Press Club aro IPR kanbi manabole kurikena thaka toh Friday din te eke pora melekena manaise koise.

Etu National Press Day toh hutai sal 16^th November 2018 te manabole kuri. Etu toh Friday din, 16^th November 2018 te :Journalism Ethics aro Challenges in Digital Era” theme hisabte manaise koise. Etubi Conference Hall, Directorate of Information & Public Relations, Kohima te. Etu din te Director, IPR, Limawati Ao pora sob members kan ke khushi pora ahebole dese aro sob kobi Media aro Non-media manu kan etu din te aha kan ke tai laga khushi (greetings) etu din laga naam pora janaise koise. Etu ke kotha kurikena tai bi etu din te eneka manu kan besi chama kura pora etu din toh besi bhal ekta kuridese aro Media manu kan ke mon dangor ekta kuride ase koi kena janaise. Etu oporte tai bi Press Clubs kan Kohima, Dimapur aro Mokokchung kan etu din laga Programme te ahe kena thaka karne besi khushi baa janaise koise.

Etu din te bi Editor, Morung Express, Dr. Moalemba; Project Coordinator, NSLSA, Tongpang L. Jamir; OC Cyber Cell, PHQ, Michael Yhome; aro Founder, The Naga Blog, Yanpvuo Kikon kan pora bhal kotha janaide thakise koise. Aro etu din laga Programme toh Purana President KPC, H. Chishi pora ahkete luijaide kena manaidese. Vote of Thanks toh President MPC, Limalenden Longkumer pora kuridese. Special gaana toh Mezanuo, Symphony Academy of Music Kohima laga pora gaaidese. Aro etu din te kotha hutha-huthe kura time te internet blackout, social media regulation act, media accountability, ethics of journalism, website updating, credibility of media, source authenticity, media bias aro tusera kan nemite hutha-baji kurikena thakise. Aro etu din laga Panel Discussion laga Moderator toh Deputy Director (Training) ATI, Dr. Hovithal Sothu thakise. Etu din te Editors aro Officials kan alak-alak Newspaper Agencies laga ahe kena thakise. Aro etu din nemite Governor of Nagaland, Shri P.B. Acharya aro Chief Minister of Nagaland Neiphiu Rio 2 jun porabi khushi laga kotha toh Media kan ke janaise koise (greets).