LONGLENG, NOVEMBER 16 : Additonal Chief Secretary & Finance Commissioner Nagaland, Temjen Toy toh Community Initiative & Owned Projects laga Funtion te Special Guest nemite ahe kena etu din suru kuridese. Etubi Yaongyimchen bosti, 15th November 2018 te.
Etu din te Temjen Toy pora Lemsachenlok laga manu kan ke alak-alak Community Development Projects kan toh tai kan Community nemite ahkete bhal te anedebole kura (Growth and Development) karne besi khushi baa aro salam diya janaise. Etu ke tai bi Yaongyimchen Bosti toh bhal leader Nuklu Phom, purana Executive Secretary, PBCA laga thaka porahi besi bhal hui ase. Aro tai porahi tai kan Community Development karne ahkete bhal te luijaide ase koi kena janaise. Etubi tai laga (Nuklu) bhal Missionary Profession pora.
Etu din te Special Invitee aro Principal Secretary, School Education, Menukhol John aro Bano Heralu, Managing Director Trustee, Nagaland Wildlife & Biodiversity Conservation Trust 2 jun pora bhal kotha kan janaide thakise. Y. Nuklu Phom Team Leader, Lemsachemlok pora toh Community Biodiversity laga katha kahani janaise. Village Council Chairmen of Sanglu & Yaongyimchen, Yaongyimchen Union Longleng, Takotemjen aro Yongchet kan pora toh katha kotha kan janaidese. Aro khobor hisabte bi Alijo-Lemsachenlok – Lighthouse Model Partnership nemite MoU Sign kura toh Principal Secretary School Education, Menukhol John aro Team leader Lemsachenlok, Y. Nuklu Phom 2 jun pora kuridiya laga ase koise.
Temjen Toy porabi Lemsachenlok te Innovative Community Biodiversity View Tower aro Far East Agro Products kobi Organic Species Production Project aro Innovative Integrated Terrace Farming kobi Community Initiative Project kan kholidese aro suru kuridese koise. Etu Lemsachenlok toh ekta Community Develoment Society ase. Etu ke Yaongyimchen, Alayong aro Sanglu bosti kan melekena ase. Aro tai kan sob etu Biodiversity pachaide kena ahkete anedebole karne 12 sal kam julai ahese koise.
Add Comment