Kolkata doctor-rape murder: Victim laka ama para Mamata keh target kuri shae

August 19, 2024: Doctor laka ama, baba para sob country manu kan keh taikan lokot deh uthi b kui shae, sob accuse kan keh nadura tak. “Apni kan para, mukan, country laka sob manu kan keh ekta message dibo mun jai. Mukan sob countrymen, manu aro state lokot deh kushi ase. Accuse keh nadura tak apni kan mukan lokot deh uthi bole request kuri ase. Etu incident tho ama kan keh kitia b hobo nalageh. Mukan hara nishi nah kun b taikan laka bacha keh enaka hari bole nalageh,” news agency ANI para trainee doctor laka ama keh quote kuri shae. Deceased doctor laka ama para West Bengal chief Minister Mamata Banerjee keh b target kuri shae, RG Kar Medical and Hospital case tho bhal para tackle kuri bole napara karne. Aro Trinamool Congress supremo kan, protest tho ruka bole koshish kuri ase kui nah allege kuri shae. “Tai para culprits ka tho para tak julti arrest kuri bo kui shae, hoile b khali ekjun keh heh duri nah ase. Mui sure ase, hospital laka manu kan bishi involved ase kui nah. Muila papna deh chief minister tho protest keh ruka bole koshish kuri ase. Etu karne police para prohibitory order di shae, protestors laka assembly ruka bole,” Victim laka ama para media keh kui shae.