August 19, 2024: Itu Peren District Football League (PDFL) 2024 laga second edition toh hoiley Peren District Football Association (PDFA) para organize kurishey, New Jalukie Super League logotey collaborate kuri kena, ekta grand start para kick off kurishey, New Jalukie Local Ground tey para, “Fostering Brotherhood, Nurturing Football” laga theme opor tey, 17th August, 2024 tey. Itu laga opening ceremony, itu muhina lamba tournament toh hoiley Youth Resources & Sports laga Director – Kethosituo Sekhose para grace kurishey, tai tatey Special Guest thaki kena.
Tai laga address tey, Kethosituo Sekhose para aru koishey ki, talent khan laga terms tey, Peren District toh hoiley extra he bless asey, Nagaland laga alag jaga khan tey saishey koiley, aru itu jaga tey para high class laga player khan produce kuri kena ahi asey poila para, itu district laga leader khan para effort kuri kena aru tai khan nijey bhi talented thaki kena.
Tatey pura puri 8 (aatta) club khan participate kuri asey, itu khan naam khan toh: Puiteing FC, Kuki FC, Jalukie Falcons FC, Benreu FC, Lekie Mtei FC, Ngaulong NYO FC, Nchangram Lun FC aru Kingdom Stewards FC, asey.
Itu inaugural match tey khili kena, defend kuri thaka champion Puiteing FC para Kuki FC ke, 5-2 goal para harai dishey.
Add Comment