Israeli strike para Hezbollah site keh target kuri shae Lebanon deh

August 20, 2024: Monday din ekta Israeli strike para Lebanon deh taka eastern Bekaa Valley deh taka Hezbollah arms keh target kuri shae, Israeli military para kui shae. Strike para causalities kan eku ani dia nai, tuita security sources para Reuters keh kui shae, Lebanon laka health ministry para aatha jokom kah manu para choitho tho Lebanese citizen aro tuita tho Syrian bacha kan taki shae kui shae. Israeli military para taikan laka air force para kun bah Hezbollah weapons storage facilities keh strike kuri shae kui shae, Lebanon laka Beqaa jaka deh. “Strikes hua piche deh, secondary explosions kan keh identify kuri shae. Maneh strike kura facility deh weapons kan bishi taki shae,” military para ekta statement deh kui shae. Depot strike hua piche deh, Lebanese Agricultural Scientific Research Authority para Beqaa deh taka taikan laka research stations keh bon kuri di bo kui shae, unexploded missiles kan osor deh land kura karne.