August 24, 2024: Career guidance, civil service aspirant khan nimitey, kuntu toh hoiley Government College, Phek laga conference hall tey para loishey, 22nd August, 2024 tey. Phek laga Police laga Superintendent – Dr. Pritpal Kaur (IPS) aru EAC probation tey thaka laga Neithozo Thenunuo aru W. Balong Phom khan toh speaker khan thakishey, itu career tey kotha khan koboley karney.
Itu occasion tey kotha kuri kena, Dr. Pritpal Kaur para itu syllabus aru study kuria laga amterial khan opor tey highlight kurishey, alag alag competitive exam khan lag aitu country tey aru Nagaland laga home state tey, aru tyaar kuriboley laga importance toh emphasize kurishey, itu koi kena thaka exam khan nimitey, graduation laga homoi tey.
Eneka homoi tey, Neithozo Thenunuo EAC (P) aru W. Balong Phom EAC (P) para itu civil service aspirant khan ke encourage kurishey aru tai khan laga journey share kurishey itu NPSC examination khan laga.
Zhozoto Nakhro (YP), Ministry of Labour & Employment, Government of India para Employment Exchange laga Department ke itu Model Carrier Centre hisap tey share kurishey, aru itu student khan ke request kurishey, itu district tey office thaka khan tey visit kuriboley.
Add Comment