August 27, 2024: State Bank of India (SBI) para tai khan laga brach office inaugurate kurishey, Jakhama Town tey, 27th August, 2024 tey. Chief General Manager, Guwahati Circle, Sahadevan Radhakrishnan para itu plaque toh unveil kurishey, Southern Angami Public Union, President Er. Tepul Hopovi logotey. Tai laga address tey, CGM Sahadevan Radhakrishnan koishey ki, Jakhama branch toh hoiley ekta full-fledge brach asey, kuntu maney toh, khali saving bank account he nahoi, itu branch toh hoiley sob kisim laga deposit service, investment services, insurance, remittance and financial recruitment services aru agriculture loans aru students’ loans khan bhi provide kuriboley asey.
Aru bhi tai para mention kurishey ki, itu branch toh hoiley dangor service khan provide kuri thakiboley asey, itu society ke, dangor-dangor hoi jaboley aru itu laga process tey, itu branch toh hoiley yatey dangor hoi jaboley asey, tai para koishey.
Tai laga khata speech tey, Er. Tepul para itu SBI laga Official khan ke naam uthai dishey aru koishey ki, itu toh hoiley lamba homoi para icha thaka laga thakishey, itu area tey SBI laga branch banaboley karney. Tai para manu khan sob ke tai khan laga support diboley karney koishey, itu bank ke, aru itu facility khan provide kuria laga best para chulaboley koishey.
Youth President, Jakhama Vishuthazo Kirha para bhi itu occasion tey kotha kurishey. Shuru shuru tey , Senior Pastor, Jakhama Baptist Church, Rev. Zapovil Sophie para Isor laga blessing khan mangishey itu event tey. DGM (B&O) Jorhat Module, Sarabhi Bhattacharya para welcome address deliver kurishey, aru last phaney Regional Manager RBO Dimapur, Huber A S Wungshim para vote of thanks janaishey.
Add Comment