August 27, 2024: Itu NSDMA para toh hoiley inform kurishey ki, itu aha din khan tey, Nagaland toh hoiley cloudy heavy pani gira laga experience kuriboley asey, sob district khan nishina tey, 29th August, 2024 para. Itu pani gira tey toh hoiley Bijli khan bhi mari kena giriboley nishina asey isolated jaga khan tey. Itu homoi tey, heavy pani gira khan toh expect kuri asey, itu Chumoukedima, Kohima, Longleng, Mokonchung, Mon, Niuland, Peren aru Wokha tey. Itu alag district khan toh Cloudy Moderate Pani giriboley nishina asey. Itu karney itu toh important asey, lagi thaka precautionary measure khan loboley karney, itu laga homoi tey aru caution exercise kuriboley, lightning strike khan para aru hawa bishi mara para communication aru connection khan bhi biya kuribo parey. Nagaland laga lowland aru foothill jaga khan, Dimapur, Nuiland, Chumukedima, Bhandari, Pangti, Tizit, aru Tuli bhi milai kena, komjur dikhi asey pani khan jama hoa laga aru flash flood hoa laga, high precipitation laga potential thaki kena, itu hill sector tey.
Itu laga regard teym NSDMA, Home Department para itu public khan ke urge kuri asey caution exercise kuriboley, kiba kibi eventuality khan avoid kuriboley, itu laga homoi tey. Itu NSDMA, Home Department para itu District Disaster Management Authority khan aru Line Department khan ke request kurishey, alert tey thakiboley manu khan laga jeevan khan aru smana khan bachaboley karney.
Itu bhi inform kurishey ki, kunba district Headquarter khan, Kohima aru alag block khan toh cut off hobo parey, landslide khan bishi para hoa nimitey, precipitation laga. Itu nimitey, key line department kun khan responsible asey, maintenance nimitey, public infrastructure laga, itu toh bhal para sai diboley lagi asey.
Add Comment