August 27, 2024 : Itu National Vector Borne Diseases Control Programme (NVBDCP) para ekta district monitor kuria laga conduct kurishey, Mokokchung district tey, 23rd aru 24th August, 2024 tey.
Itu team kuntu toh hoiley Senior Regional Director Imphal, Dr. L.A. Singh para chulai jawa laga asey, Deputy Director NVBDCP Dr. Tinurenla Anichari, state consultants, district consultant, Malaria Technical Staff, aru Surveillance Workers (SW) logotey mili kena, kunba bishi jaga khan tey inspect kurishey, itu – Primary Health Centre Longkhum village, Primary Health Centre Ungma village, Dr. Imkongliba Memorial District Hospital, Health Sub-Centre Mokokchung village aru Chief Medical Officer laga office tey, Aliba village tey aru Lenjem Hospital tey. Itu laga purpose toh hoiley itu NVBDCP aru itu Non-Communicable Disease programme laga implement kuriboley assess kuriboley laga purpose thakishey.
Itu interaction laga homoi tey, medical staff, district NVBDCP personnel aru ASHA khan logotey, Dr. Singh para emphasize kurishey ki, thik homoi tey malaria laga case khan detect kuriboley laga toh jaroori asey, aru bishi manu ke lagiboley thaka toh rukhaboley.
Observe kuri kena ki, bishi patient khan toh private hospital khan he prefer kurey, government facility khan chari kena, Dr. Singh para suggest kurishey, regular contact banai kena rakhiboley karney, private hospital khan logotey, ekta quarterly basis tey, update thakiboley, malria case khan tey.
Itu Long-Lasting Insecticidal Nets (LLINs) khan distribute kuriboley laga regard tey, Dr. Singh para manu khan ke encourage kuriboley laga importance urge kurishey, mosquito net khan chualboley aru accurate stock record khan maintain kuriboley, daily laga update khan logotey, itu IHIP portal tey.
Add Comment