Agencies, 17 November: Friday din ITTF Challenge Belgosstrakh Belarus Open ;aga U-21 singles category deh India’s Manav Thakkar toh bronze medal hee lobole parise. Aro men’s singles laga pre-quarterfinals deh Harmeet Desai toh kushibole pari kena ase. Tournament deh phal pora agae jai thaga Manav toh Russia’s Denis Ivonin logode 2-3 pora semifnals harise. Tai first game time deh 11-5 pora ektum phal pora suru howah thakise. Hoilebe next game time deh tai 4-11 pora lost hoise. Tuita game debe tai jun eki thakise. Hoilebe decider time deh Ivonin toh 11-9 pora jeti lowah thakise. Etu agae deh Manav toh ektum phal pora thakise. Tai Japan laga U-21 World No. 8 Yuki Matsuyama logode haraideya thakise. Harmeet be Russia’s Alexey Liventsov logode 4-2 pora haraideya thakise. Tai suru game toh 11-9 pora agae thakise. Hoilebe tai next two (6-11, 10-12) pora harise. Etu bechide Indian toh next three (11-7, 11-6, 11-6 ) pora jeti kena next round kushise. Tai pre-quarters time deh China’s Zheng Sun logode jeta thakise. Men’s singles deh kothom howah Manav be Belgium’s Robin Devos logode 0-4 (3-11, 11-13, 13-15, 10-12) pora lost howah thakise.
Add Comment