Agencies, 17 November: Friday din Cordoba jaga deh Argentina aro Mexico toh friendly match khela thakise. Etu time deh Argentina 2-0 score pora jetibole parise. Argentinal laga defender Ramiro Funes Mori pora first-halft time deh header thala aro second half time deh substitute Isaac Brizuela pora ekta goal thala karni jetibole parise. Brizuela toh Miguel Layun laga jaga deh putli hoi kena tin minute howah bechide goal thalibole para ase. Tuita team be temporary coach thaki kena khel khela thakise. Aro Argentina toh etu par be Lionel Messi nathaki kena khela thakise. Missi toh Russia jaga deh World Cup finals khela bechide international football pora vacation loikena ase. Tuesday din Mendoza jaga deh Argentina aro Mexico toh arobe khelibole ase.
April 26, 2026
World's First and Only Nagamese Newspaper
Add Comment