August 28, 2024: Itu 14th Nagaland Legislative Assembly (NLA) laga fifth session laga first din tey itu Minister khan kun incharge asey alag alag department khan laga, tai khan para jawab dishey, itu bishi alag alag starred question khan raise kuria ke, itu house laga member khan para hudia ke, 27th August, 2024 tey.
Itu shuru kuria laga question kuria laga ke jawab di kena, NLA laga Minister – Kuzholuzo Nienu para itu cost aru selection criteria opor tey, PMAY-G housing scheme laga beneficiary khan laga opor tey, itu laga incharge thaka Minister Rural Development – Metsubo Jamir para koishey, ki, 1,30,000 toh hoiley itu unit cost thakishey aru tatey toh hoiley duita category thakishey, beneficiary khan laga, SECC aru Awaas koi kena.
Jamir para jawab dishey ki, fund laga disbursement tey, itu beneficiary khan ke, itu scheme khan toh hoiley implement kurishey 100% para aru amount khan toh transfer kurishey, itu beneficiary khan laga bank account khan tey, teenta installment khan tey para.
Chief Minister para itu shuru laga question khan opor tey jawab di kena, itu MLA Kuzholuzo Nienu para huda laga, itu amount sanction kuria laga opor tey, CSS under tey aru itu sob toh itu Anganwadi tey Kaam kuria khan aru helper khan ke disburse kuria laga, tai Rio para koishey ki, eku specific amount toh hoiley ulanai koishey.
Minster PWD (R&B), G. Kaito Aye para supplementary question khan ke jawab di kena koishey ki, itu department toh hoiley pura-puri implement kuriboley napari kena thakihsye, itu scheme toh, App laga problem hoa nimitey aru itu 2021-22 laga saal tey, itu government laga sanction khan toh revise kuria laga thakishey, notun guideline khan thaka nimitey, itu Ministry para. CM para assure kurishey ki, sob qualify kuria laga beneficiary khan ke toh hoiley tai khan laga incentive khan toh thik homoi tey di dibo koi kena.
MLA Sophie para question huda supplement kuria tey, Advisor, Prison, Printing aru Stationery, Er. Kropol Vitsu para mention kurishey ki, itu di kena thaka NH 29 toh hoiley pliable nahoi kena, kiley koiley itu standard aru specification toh hoiley itu mark tey thaka nai, aru itu pani khan bishi gira para itu rasta khan toh biya thaka aru aru-bhi biya wala hoi jaishey, aru itu nimitey tai para itu competent authority ke request kurishey, ekta technical survey kuriboley aru itu mati laga nature toh study kuriboley koishey, itu project toh progress kuriboley karney.
Add Comment