August 28, 2024: Itu discussion laga homoi toh shuru kuri kena, Urgent Public Importance opor tey, Rule 50 A under tey, “Health Hazard khan opor tey, spurious liquor laga”, Labour, Employment & Skill Development Excise, laga Advisor -Moatoshi Longkumer para koishey ki, itu Nagaland Liquor Total Prohibition (NLTP) Act, 1989 dhala time para he, Nagaland tey, bishi negative impact khan hoi kena ahi asey, social, spiritual aru economical life tey manu khan laga aru itu Act laga also objective toh houley undermine kuri asey, tai para koishey.
Minister, Tourism aru Higher Education, Temjen Imna Along para itu discussion tey participate kuri ken aitu “Health Hazards of Spurious Liquor” laga opor tey koishey ki, itu NLTP Act 1989 kuntu toh hoiley agey para enforce kuri kena thakishey, itu State tey, 30 saal agey para, itya toh itu nimitey bishi bootlegger khan ulaishey aru spurious liquor toh bishi para manu khan ke bika shuru hoishey lukai lukai kena, itu State pura tey, jawan manu khan laga health biya kuri di kena.
School Education aru SCERT nimitey thaka Advisor – Dr. Kekhrie Yhome para itu discussion tey part loi kena koishey ki, itu demonisation laga idea, liquor laga toh hoiley biya asey, state nimitey aru itu jawan generation khan nimitey, Yhome para opin kurishey ki, bhal para discussion kuriboley lagi asey, itu civil society logotey aru stakeholder khan logotey.
Add Comment