August 28, 2024: Ekta adha ghanta laga discussion tey, Rule 48 under tey, Information & Public Relations aru Soil & Water Conservation laga Advisor – Imkong L. Imchen para mention kurishey, itu Foothill Road laga construction diri hoa laga, Tizit para Khelma tak laga, judi bhi itu house laga leader para agey para present kuri di kena thakilebi, itu earmark kuri kena thaka amount toh, itu last budget tey. Itu Advisor para strong para emphasize kurishey, NH-29 laga importance toh aru itya laga condition laga, kotey tai para koishey, itu hudai eneka asey, Kohima para Dimapur laga. Itya laga raasta laga condition khan thakiley, duita lane laga raasta Kohima para Dimapur tak laga, via Jotsoma laga toh hoiley bhal para construct kuriboley lagey tai para suggest kurishey.
Er. Kropol Vitsu para koishey, Kohima aru Piphema majetey thaka raasta toh hoiley vulnerable asey landslide khan, pathor khan giriboley, deforestation, excavation, cultivation khan nimitey.
Itu nishina hey, tai para suggest kurishey, Kohima- Zhadima- Niuland- Dimapur laga raasta toh hoiley permanent para construct kuriboley lagey, sob season khan weather khan tey bhi tikiboley para laga, monsoon tey bhi chulaboley para laga.
Itu discussion tey join kuri kena, National Highways nimitey Minister – T.R Zeliang para state kurishey ki, itu Government toh hoiley itu nimitey bhal para jani kena asey aru authority logotey itu laga kotha khan kuri thaki kena asey, ensure kuriboley ki, raasta toh para tak judli khuliboley karney.
Add Comment