‘Mukan laka isor deh maf mangi b’: PM Modi para Chhatrapati statue deh kui shae

August 30, 2024: Friday din deh Prime Minister Narendra Modi para Maharashtra laka Sindhudurg deh Chhattrapati Shivaji Maharaj statue gira karne maff mangi shae. “2013 sal deh, BJP para muike ekta PM candidate hobo leh nam kuri shae. Nam kura piche mui first tho, Chhatrapati Shivaji Maharaj laka Samadhi agae deh buhi shae, Raigad deh. Mui devotee taki nah buhi shae aro muila nutun journey tho shuru kuri shae,”Modi para Palghar deh kui shae. “Chhatrapati Shivaji Maharaj tho khali nam nahoi mukan karne. Aji mui, amil aka math nichae kuri ase aro muila isor Chhatrapati Shivaji Maharaj keh maff mangi ase. Mukan laka values kan alak ase, mukan utu manu kan nahoi, kun kan mother india laka bacha, etu mati laka bacha, Veer Savarkar keh insult aro abuse kureh. Taikan maff mangi bole ready nahoi, taikan court deh jai nah fight kuri bole ready ase,” tai para kui shae. Prime minister laka jawab tho 35 foot Chhatrapati Shivaji Maharaj statue tho August 26 din deh gira piche deh ahi ase.