Maike laka hostel deh hidden cam pai shae; CM para probe order kuri shae

August 30, 2024: Friday din deh Andra Pradesh chief Minister N Chandrababu Naidu para ekta probe order kuri shae, maike hostel laka washroom deh ekta hidden camera pah piche deh. Maike laka hostel tho ekta engineering college karne ase, Andhra Pardesh deh. Etu tho Thursday din deh hui shae. Ekta maike student para girls hostel laka ekta washroom deh ekta hidden camera pai shae. Pah tho ekta alert kuri shae aro etu piche deh ekso laka upor maike students kan para ekta night-long dharna stage kuri shae. Washroom scenes laka video tho boys hostel deh circulate hui taki shae kui nah claim b hui shae. Etu heh nahoi nah ekta senior maike student, kun final year para ase, tai para washroom deh hidden camera dali bole motot kuri shae kui nah kotha ahi ase. Protesting students kan para girls student laka safety aro privacy deh jinta kan uthai di shae. Taikan college building laka agae deh jama kuri shae aro,” Mukan justice lakeh” laka slogans kan demand  uthai shae.