August 30, 2024: National Clean Air Programme (NCAP) opor tey Awareness Campaign launch kuria laga organize kurishey, District Administration, Dimapur para, Green Campus Committee, DGC logotey collaborate kuri kena, August 29th, 2024 tey, Dimapur Government College laga Seminar Hall tey para.
Itu Awareness Campaign programme tey, Dr. Tinojongshi Chang, NCS, Deputy Commissioner, Dimapur para tai laga speech tey, koishey ki, itu awareness campaign toh hoiley itu student khan para he kuriboley paribo. Tai para note kurishey ki, Nagaland toh hoiley ekta industrial state nahoi, itu pollution issue laga main source toh hoiley gari khan para asey. Dr. Chang para itu bhi pollution laga importance emphasize kurishey, itu koi kena ki judi itya nakurishey koiley, itu future tey toh hoiley bishi dikdari hoijabo, aha din laga jawan generation khan nimitey.
Dimapur Government College laga Vice Principal – Kezhaleu Hesso para tai laga address tey koishey ki, itu college laga commitment, environmental sustainability karney aru tai khan ekta green healthy campus banaboley laga effort khan kuria toh , effortless para kuriboley asey aru itu para toh hoiley ekta ideal shuru kuria laga point banaboley asey, itu DGC para kuria laga Awareness Campaign nimitey.
Itu programme toh hoiley Dimapur laga E.A.C. – Imlijungla para chair kurishey, Sociology laga Department laga Asst. Prof. Dr. Hannah Tia para invocation kurishey aru B.A 3rd Semester laga Student – Nyamnyei Konyak para ekta presentation dishey.
Add Comment