August 30, 2024: Kohima Bench laga Gauhati High Court laga judge – , Justice Nelson Sailo para toh hoiley assert kurishey ki, legal aid lawyer khan toh bishi kuriboley pari asey, utu manu khan logotey interact kuri kena, kun khan conflict hoi kena asey law logotey, nahoilebi, kun khan ke legal assistance lagi asey, court khan chari kena, kuntu toh hoiley strict para law hisap jabo parey.
Itu inaugural address tey deliver kuri kena, itu state level advocacy skill training laga homoi tey, legal aid nimitey, lawyers khan nimitey, itu Nagaland State Legal Services Authority para organize kuri kena, August 29th, 2024 tey, SIRD Conference Hall tey para, Kohima laga, itu judge para panel lawyer khan aru defence counsel khan ke matishey, utu manu khan ke assist kuriboley koishey, kun khan ke legal aid khan lagi asey.
Sailo para koishey, itu lawyer khan laga profession toh hoiley khali law practice kuria he ekla nahoi, hoilebi itu toh manu khan ke assist kuriboley karney bhi asey, Legal assistance laga homoi tey.
Itu role opor tey kotha kuri kena, Sialo para koishey ki, tai khan toh hoiley grassroot level tey asey, manu khan ke modod kuriboley, kun khan toh tai khan laga expertise lagi asey.
Member Secretary, NSLSA Victo Sema, NJS para welcome address deliver kurishey. Itu programme toh hoiley Adv. Apila Sangtam, Retainer Lawyer NSLSA para chair kurishey aru District Legal Services Authority laga Gallery bhi present kurishey.
Itu technical session laga homoi tey, Supreme Court of India laga Advocate – Vrinda Grover para, criminal Justice system ke Navigate kuriboley laga kotha kurishey aru tai para legal aru case strategy laga ekta board base lagi thaka laga highlight kurishey.
Itu inaugural programme laga homoi tey, Justice Budi Habung Judge Gauhati High Court, Kohima Bench aru Gauhati High Court Kohima Bench, Registrar, Ajongba Imchen para itu programme tey attend kurishey.
Add Comment