August 30, 2024: Employees’ State Insurance Corporation para India laga Government laga, Labour aru Employment laga Ministry under tey, State Labour Department logotey collaborate kuri kena, ekta special awareness programme organize kurishey, Employees State Insurance Scheme opor tey, itu employer khan aru kaam kuria manu khan nimitey, itu organize kuri kena thaka sector tey, itu Directorate of Employment, Skill Development aru Entrepreneurship, Kohima laga Conference Hall tey para, 29th August, 2024 tey, kuntu toh hoiley Neimenuo, Assistant Labour Commissioner, Kohima para chair kurishey.
Additional Deputy Commissioner, Kohima, Rhosietho Nguori NCS para ekta khata speech deliver kurishey, itu laga importance opor tey aru itu scheme laga nobility opor tey.
Itu Nagaland laga State nimitey, Employees State Insurance Corporation aru Co-Ordination Officer laga Deputy Director – L. Tsanglao para tatey resource person thaki kena, itu ESI Scheme opor tey highlight kurishey, ekta power point presentation para.
Tai para koishey itu ESI Act toh Factory khan aru alag Establishment khan tey bhi apply asey, Hotels, Restaurants, Cinemas, Newspapers, Shops and Private Educational aru Medical Institutions khan tey, kotey 10 para bishi kaam kuria manu khan asey, Rs 21,000/- (Rs 25,00/- tankha di asey, disable thaka manu khan ke).
L. Tsanglao Deputy Director, ESIC, & K. Guite, Branch Manager, ESIC, Branch Office, Dimapur para discuss kuria laga homoi chulai jaishey.
Avile Vitso, Joint Labour Commissioner, Nagaland, & CEO ESI Scheme Nagaland, para tai laga khotom kuria laga remark khan tey, itu sob participant khan ke thanks janaishey aru tai khan ke urge kurishey itu scheme under tey register kuriboley karney.
Itu Special Awareness programme toh hoiley free health chekup amp logotey khotom hoishey, Dr. Kenei, Insurance Medical Officer, ESI Scheme Dispensary Kohima para chulai jai kena.
Add Comment