August 31, 2024: Andra Pradesh laka Krishna jaka deh taka ekta engineering college deh maike hostel washroom deh ekta hidden camera pah piche deh ekta dangor protest olai jai shae. SR Gudlavalleru Engineering College laka maike students kan Friday din deh, minister minister K Ravindra keh complain kuri shae, management kan issue tho dangor nahubole koshish kuri shae kui nah aro maike kan kun etu mamla deh compliant b lodge kuri shae, taikan damki b di shae kui shae.
Ekso laka upor students kan Thursday rati para protest kan stage kuri nah ahi ase. Students kan para taikan laka jinta kan tho K Ravindra keh kui shae, kun para district collector aro superintendent of police lokot deh college deh punchi shae, incident hua piche deh.
News18 para Andra Pradesh police kan para accused, Vijay keh identify kuri nah detain kuri di shae kui shae. Taila laptop tho seized kuri di shae aro 300 laka upor obscene videos keh b recover kuri di shae. Police kan para tai etu vidoes kan tho alak students kan keh bikai taki shae kui nah suspect kuri shae.
Add Comment