AGENCIES, NOVEMBER 18, 2018:ICC Women’s World T20 te India laga womens cricket team khan etia tak bi naharikena ase .Tai khan laga final Group B Providence Stadium Guyana Saturday din te Austrailia ke 48 runs pora haraidishe .Etu jita pora India khan Group B laga top te ase 8 points te aro Austrailia khan second spot te ase 6 points te .India khan bishi bhal pora khelikena World No. 1 Australia logote jetishe .India laga opener Smriti Mandhana pora 55 balls te 83 runs bonaikena tai khan laga team ke 20 overs te 167/8 bonaidishe .Austrailia khan khali 119/9 bonabole parishe .etu run chase te India spinners khan wickets khan loi thakishe . Anuja Patil bhal pora bowl kurikena 3.4 overs te 3/15 loishe .Anju charikena Poonam Yadav, Radha Yadav aro Deepti Sharma pora duita wickets loishe India nimete .Olop akhe te India captain Harmanpreet Kaur toss jitikena bat kurishe .India khan Taniya Bhatia aro Jemimah Rodrigues laga wicket harikena Mandhana aro Harmanpreet (43) majhotte 68-run partnership kurishe .Mandhana kun pora tai laga sixth T20I half-century aro etu tournament laga akhe wala 50 score kurikena boundaries khan score kurishe .Tai pora nine boundaries aro tinta six marishe .Aro Harmanpreet bishi bhal khelikena 43 runs bonaishe .Tai pora tinta boundary aro tinta six marishe . Mandhana, kun pora 1000 T20I runs, bonaishe 2nd khelari hoishe veteran Indian cricketer Mithali Raj pichede etu runs bona toh .Austrailia laga run chase te Beth Mooney (19) aro Elyse Villani (6) pora bishi bhal start dishe .Hoilebi Deepti Sharma etu duita Australian openers ke successive balls te out kuridikena India ke wapas anidise khel te .Austrailia khan etia dukh pabole ase tai khan laga khelari Alyssa Healy khelibole naparibo fielding kura time te jhokom paa nimete .
Women’s World T20: India jeitishe Austrailia logote
