August 31, 2024: Itu Committee on Public Undertakings (COPU) laga Advisor & Chairman – Imkong L. Imchen ke, itu Committee laga Member – Advisor, Hekani Jakhalu, MLA, Dr. Neisatuo Mero, Advisor, Sethrongkyu aru itu Nagaland Legislative Assembly Secretariat laga official khan para accompany kuri kena ekta “On-the-Spot Verification” kurishey, itu dutia (2) Multi-Level Car Parking (MLCP) building khan laga, kuntu toh hoiley Old Medical Directorate aru Old NST, Kohima tey located asey, 30th August, 2024 tey.
Itu Committee para physical para itu duita jaga tey inspect kurishey aru itu CEO laga office tey bhi visit kurishey, Kohima Smart City Development Ltd (KSCDL) laga, itu Department of Municipal Affairs laga under tey.
Itu MLCP toh Old Medical Directorate tey thaka toh paachta storey laga asey, kuntu toh hoiley Rs. 3121.90 lakh daam para banawa laga asey, kuntu toh hoiley 150 gari khan rakhibo pariboley laga capacity asey aru 67 dukan khan bhi milai kena. Itu Old N.S.T saat tala laga MLCP toh hoiley Rs 2878.10 lakh daam para banawa laga asey, kuntu tey toh 120 gari khan aru 16 dukan khan rakhiboley laga capacity asey. Alag alag component khan toh hoiley pinchetey dhaliboley asey successful para itu project khan utilize kuriboley nimitey, kuntu toh hoiley, itu State Government para fund kuria laga asey.
Itu inspection laga homoi tey, itu Committee ke toh hoiley inform kurishey ki, itu Kohima City Centre aru itu Kohima Local Ground toh hoiley itu KSCDL para loi-loa laga asey banaboley, kuntu toh hoiley itu October laga last phaney – November 2024 tak tey inaugurate kuriboley laga schedule kuri kena asey. Pura puri itu Committee toh hoiley satisfy thakishey itu duita MLCP project khan logotey aru tai khan para appreciate kuria toh janaishey itu implement kuria agency ke.
Add Comment