August 01, 2024: I. Panger Imchen para autobiography likhishey, title toh “Unveiling the truth” thaki kena, kuntu toh hoiley Kohima Ao Baptist Arogo (KABA) laga Pastor – O. Sashi Ozukum para release kurishey, hotel de Oriental Grand, Kohima tey para, 31st August, 2024 tey. Itu author I. Panger Imchen toh hoiley ekta retire hoi jawa laga Agriculture department laga Director thakishey aru tai toh hoiley Chungtia bosti laga manu asey koishey, Mokokchung district under tey. Tai laga note tey, author- Panger Imchen para koishey itu kitab toh hoiley tai laga hudai din laga Diary tey note kuri kena thaka laga event khan laga base tey asey. Tai laga kahani khan toh eku filter khan nathaki kena present kuria hisap tey asey, itu nimitey he itu kitab laga naam toh hooiley “Unveiling the truth” naam rakhishey. Tai para koishey ki itu kitab toh hoiley tai laga jeevan laga event khan ke charta section khan tey unveil kurey; tai poila thaka laga ekta bosti laga chukra thaka laga hisap tey, itu Indian army operation laga homoi tey, tai laga high school aru college life, tai laga service itu state Agriculture Department tey, tai laga retirement tak tey, Director hisap tey,itu 2013 saal tey, aru tai laga parivar arum anu khan kun khan tai ke inspire kurishey. Itu program toh hoiley Kohima Chungtia Fellowship incharge, Tiameren para chair kurishey, aru invocation laga prathana toh Kohima Aliba Fellowship incharge, Nukshirenla para offer kurishey. Kitab review kuria laga ekta note share kurishey Repalemzung Lkr. Publisher, Woods publishers para. Itu kitab toh hoiley, ekta dedicatory prathana kuri kena launch kurishey, pastor KABA, O. Sashi Ozukum para.
Auto biography kitab, title “Unveiling The Truth”, I. Panger Imchen para likha laga release kurishi
Add Comment