September 04, 2024: Itu dangor mudslide aru landslide hoa karney, kuntu toh hoiley key raasta khan ke impact kuri dishey Kohima aru Dimapur majetey, itu Dimapur Police laga Commissioner Kevithuto Sophie, IPS para toh hoiley ekta urgent advisory issue kurishey, itu public khan karney, 04th September, 2024 tey. Ekta dangor mudslide hoishey, Pherima tey, aru itu logotey significant landslide khan bhi hoishey, Tseipama/Piphema tey aru ekta major landslide hoishey Pagala Pahar/New Chumoukedima tey, kuntu para toh hoiley National Highway 29 (NH-29) laga raasta toh pura puri bon kuri dishey. Itu affect hoi kena thaka raasta laga section toh hoiley itu mudslide/landslide para loi jaishey, gari khan aha jawa kuriboley ekbar para napara kuri di kena, Kohima aru Dimapur majetey. Raasta condition laga light tey, Police para toh hoiley itu alternate raasta khan chulaboley laga against bhi advise kurishey, Pimla – Mhainamtsi raasta khan, travel kuriboley, Kohima aru Dimapur majetey, kiley koiley itu para bhi mudslide aru landslide khan para affect kuri dishey. Kun manu khan Niuland – Kohima tey travel kuriboley mon asey, tai khan toh Zhadima hoi jena jaboley khula asey, light motor vehicle khan karney he khali. Eneka thakilebi heavy gari khan toh tatey para haha jawa kuriboley manna asey, safety laga concern karney. Itu Commissioner para toh hoiley advisory issue kurishey, public laga safety aru urgency laga matter khan karney. Traveller khan ke urge kurishey, bishi husiyar kuriboley itu itya chuli thaka laga adverse weather condition khan laga homoi tey aru tai khan laga journey toh hoiley itu laga hisap tey plan kuriboley koishey.
Landslide hoa para NH-29 ke block kuri dishey: Police para alag raasta tey para aha jawa kuriboley advisory issue kurishey
Add Comment