Tseminyu tey Poshan Maah launch kurishey

September 04, 2024: Poshan MAAH laga celebration toh hoiley Tseminyu tey launch kuria toh hoiley ICDS project khan under tey kuria laga asey, itu Social Welfare laga Department para, 04^th September, 2024 tey, CDPO office premises, Tseminyu tey para, EAC Tseminyu – Monosangla Ozukum para itu occasion tey special guest buhi kena. Itu program laga homoi tey, tai para itu Anganwadi tey kaam kuria khan ke appeal kurishey, aru bhi active thakiboley karney, itu Poshan Maah program toh successful para implement kuriboley karney, especially itu pregnant maiki aru bacha khan nimitey aru ensure kuriboley koishey ki, itu facility kuntu toh hoiley itu government para provide kuri asey, itu khan toh thik thak para manu khan avail kuriboley pari asey koi kena. CDPO Tseminyu – Menokhrielie para tai laga welcome address tey, nationwide awareness program laga importance toh point kurishey, Poshan Maah opor tey. Itu program toh hoiley Sr. Supervisor, CDPO office (ICDS), Tseminyu, Obed Magh para conduct kurishey, aru itu programme laga shuru phaney invocation laga prathana toh Lonyule Kent, AWW para kurishey. Extra Assistant Commissioner – Monosangla Ozukum para itu Poshan Pledge lead kurishey, aru Kenyuyhunlo Kent, Sr. Supervisor, CDPO office (ICDS), Tseminyu para vote of thanks janaishey.