Kohima deh State Level Teacher’s Day manai shae

September 5, 2024: 5^th September 2024 laka din deh Kohima laka NBCC Convention Hall jaka deh State Level Teacher’s Day celebration lui shae. Etu celebration deh Advisor, School Education & SCERT, Dr. Kekhrielhoulie Yhome, Special Guest taki shae. Special Guest para flag tho unfurl kuri nah program tho shuru hui shae. Etu piche deh Ruzhukhrie GHSS para National Anthem laka presentation kuri shae aro Principal Director School Education, Thavaseelan K para welcome address di shae. Advisor, Dr. Kekhrielhoulie Yhome para taila taila speech deh, teachers kan keh taila gratitude di express kuri shae, taikan laka guidance aro support karne. Tai para teachers laka wisdom aro encouragement para mukan keh grow kuri bole motot kureh kui shae. Tai para teachers kan khali subjects heh nahoi nah, zaruri life lessons aro skills b hikai kui shae. Taikan para mukan keh kind, helpful, honest taki bole hikai aro mukan keh sapna dangor taki bole encourage kureh. Yhome para students kan keh ekta ekta moment lubi kui shae, taikan laka teachers keh thanks ku boleh. Advisor para Education department deh taka sob administrative reforms keh assure kuri shae, good quality education provide kuri bo kui nah. Tai para student Health card laka introduction formulate kuri ase kui shae, Students laka health aro wellbeing keh maintain kuri bo karne. GMS T. Khel, Kohima para Speical song present kui shae. Teacher’s Day deh greetings tho Chairperson Nagaland  Board of School Education Asano Sekhose para share kuri shae. Little stae Hr. Secondary School, Dimapur para special item present kuri shae. Perennial school Wokha para Life sketch of Late Dr. S Radhakrishnan deh perform kuri shae. Teachers laka honoring tho government High School Meriama para kuri shae. Rincho Academy Sovima para A Tribute to Teachers present kuri shae. Christ King Higher Secondary School para ekta special number di shae. Aro Vote of Thanks tho Additional Director School Education Razouseyi vese para deliver kuri shae.