District Education Department, Wokha para Teacher’s Day organize kuri shae

September 5, 2024: 5^th September 2024 din deh, District Education Department para Lotha hoho Ki keh teacher’s Day organise kuri shae. Etu program deh Deputy Commissioner Wokha, Vineet Kumar (IAS) thoo special guest taki shae.  Celebration keh address kura time deh, DC para teachers laka noble service aro selfless service karne, society kan para taikan keh ekta upor jaka deh rakhe kui shae, students laka students keh shape kura karne. Tai para teaching tho ekta sobse respected job ase kui shae, kut para society deh positive impact banai. Regular subjects aro curriculum activities kan keh chari nah, tai para teachers kan keh life skills aro right knowledge dib oleh focus kuri b kui shae, students kan future deh bhal citizen bana bo karne. Teaching deh taikan laka outstanding contribution keh acknowledge kuri bo karne, etu teachers kan keh certificates aro cash kan di shae: Binod Pariyar (G/T Science) GHSS Bhandari; H. Lidemo Tungoe (G/T Math) GHSS, Wokha; Assistant Teacher, T. Rosana Lotha, Mt. Sinai School aro M. Benchumlo Humtsoe, GMS, Tsungki. Teacher’s day laka significance tho Sr. SDEO, Wokha Z. Chanbemo Kikon para present kuri shae. Program tho Avani. C G/T para chair kuri shae. ADC, SAMAGRA Wokha, K. Chandemo Patton para welcome address deliver kuri shae.