Noklak District kan Teacher’s Day manai shae

September 5, 2024: Khiamniungan Students Union (KSU) kan District Administration and School Education department, Noklak lokot deh collaborate kuri nah, Public Ground, noklak deh Teacher’s Day celebration organize kuri shae, “ En-powering education for a sustainable future” laka theme pitor deh. Deputy Commissioner, Noklak, Arikumba para taila address deh, teachers kan keh acknowledge kuri shae, society laka nurturer taka karne aro professions laka cradle taka karne. Tai para teachers kan keh appreciation aro honour dia tho manu kan laka duty ase kui shae. Tai para ekta nation laka success tho teaching profession para dia value upor deh depend ase kui shae. Noklak District tho nutun aro challenges kan bishi face kura karne, DC para sob manu keh bhal taki b kui shae aro evil minds keh challenges laka advantage lubo nadi b kui shae. President Eastern Nagaland Students Federation, Chingmak Chang para taila speech deh, teachers kan keh appreciate kuri shae,  students laka upliftment karne kaam kura karne. SDEO incharge Noklak, Y, Khongkhao para tuita state teachers awardees:  KV Joseph Senior Teacher, Holy Angels School, Noklak and T. Chiye, PT GMS, Sanglao. keh acknowledge aro congratulate kuri shae. Tai para B. Ruth, PGT, GHSS Noklak aro P.L Shinguya, GPS Noklak Village keh District teachers awardees present kuri shae. Welcome address tho KSU, P Shangchiu para present kuri shae. Vote of thanks tho Education Secretary, KSU, Ningpao para deliver kuri shae.