Uttar Pradesh, Sep 05: Ekta mahila ke allegedly molest kurishey ambulance laga bitor Uttar Pradesh deh, tai toh tai laga husband ke accompany kurina hospital jai thakishey leh. Taikey assault kura peche deh, ambulance workers kan para tai ke bahar philashey aro tai laga husband ke bi, oxygen support ke remove kura peche deh.
Maiki laga husband toh treatment laga doran he murishey Gorakhpur Medical College deh.
Etu ghatna toh August 30, Siddharthnagar district, Uttar Pradesh deh hoishey. Maiki para tai laga husband Harish ke nearby Basti Medical College deh loijaishey leh tai toh olop din karney bimar hwa peche deh. Doctors kan para hospital deh taikey refer kurishey ekta alag hospital deh, tai laga condition toh deteriorate hui ja karney. Private hospital laga fee ke pay kuriwo napara karney, maiki para tai laga mota ke wapas ghor deh anishey treatment karney.
Ambulance deh, driver para maiki ke tai logot agey deh buhiwoley force kurishey aro tai laga aide logot taikey sexually harass kurishey. Jitya tai para protest aro shout kuriwoley try kurishey taikan para tai laga mota laga oxygen supply bon kuri dishet aro taijun ke bi ambulance laga bahar philaidishey.
Ambulance driver para maiki laga jewelry chori kurishey. Tai laga husband toh severely injured hoishey aro tai laga health toh aro biya hoijaishey oxygen supply toh kati diya peche deh.
Victim para tai laga ordeal toh tai laga brother ke phone deh koishey aro brother para police ke inform kurishey.
Police para injured manu ke hospital deh loi jaishey tadey tai olop peche deh murijaishey. Victim para alleged kurishey ki police para eku attempt kuranai ambulance driver aro tai laga aide ke arrest kuriwoley. Tai ke ekta written complaint dishey etu maamla laga opor deh Ghazipur police station Lucknow deh. Case ekta registered hoishey aro necessary action lwa shuru hoishey, Additional Director General of Police, Lucknow North Jitendra Dubey para koishey.
Add Comment