24th edition Classic Club football tournament Head Hunters Jakhama jitishe

KOHIMA,NOVEMBER 19 2018:Classic club football tournament laga 24^th edition  kohima local ground te khotom kurishe.Final match  Head Hunters Jakhama aro Chedema Youth Organizationmajhotte khela te  Head Hunters Jakhama pora  Chedema Youth organization ke 6-1 pora haraidishe .etu khel laga pohila duita goal toh opening minutes te   Nythong pora ghussaise  .Akhe wala goal wistle marikena  1^st minute te  aro second toh  4^th minute te kura ase  .Third goal toh  Rhitso Mero pora marishe  14^th minute te  . Chedema Youth Organization laga ekta goal toh  Salu pora 18^th minute te ghussaise .Etu khel laga 4^th goal toh  Head Hunters Jakhama laga khelari  Chingsha pora ghussaise .Etu pora half time te  4-1 thakishe.Second half te  first goal toh  Head Hunters Jakhama’s player Hranglen pora  53rd min minute te ghussaise  . Aro last wala goal toh   Khuanang pora ghussaise .Alag alag individual prizes paa khan toh : player of people’s choice – 1. Sauliampau( United V and S Dimapur) rupees 5000 aro  certificate paishe ; 2.  Best goal keeper – Yanger Lemtur( Dejavu edition)rupee 7000 aro certificate paishe; 3. Best defender-Mecievikho (Head Hunters Jakhama) 7000 aro certificate; 4.Best midfielder -Hautinmang Thonisang( Head hunters jakhama) 7000 aro Certificate ;5. Best Forward – Imlong Chaba (Chedema Youth Organization) 7000 aro  certificate ;6.Highest scorer – Rhitso Mero ( Head Hunters Jakhama) 7000 aro  certificate. Aro last te player of the tournament toh  Dominic Ngouri Kiiluopfii FC Pochury laga khelari rupees 10,000  aro certificate  paishe  .Etu jita team khan   150000/- cash prize aro trophy paishe aro  Runners up toh 80000/- paishe.