New Delhi, 10 September : Medical Counselling Committee (MCC) para National Eligibility cum Entrance Test (NEET) Undergraduate (NEET-UG) 2024 laga Round 2 Counselling dey notun seats halishey. Candidates kun itu course karney register kurishey, taikhan MCC laga official
website dey detailed khobor karney jawo paribo. NEET UG 2024 laga second round dey total 614 seats milaishey.
Itu additional medical seats laga details toh official MCC website — mcc.nic.in/ug-medical-counselling dey update kurishey.
Andhra Pradesh laga five medical colleges dey seven NEET UG seats halishey, Maharashtra laga four colleges dey seven, aro Telangana laga eight colleges dey 600. Kitia Andhra Pradesh aro Maharashtra dey itu medical seats toh sob genders karneh khula asey, Telangana dey 50 per cent seats toh khali mahila khan karney reserved asey.
NEET UG 2024 Counselling Round 2 Schedule
- Choice Filling/ Locking: September 6, 2024 para September 10, 2024 tak (11:55 p.m., Server Time hisab dey)
- Seat Allotment laga Processing : September 11, 2024 para September 12, 2024 tak
- Result: September 13, 2024
- Reporting/Joining: September 14, 2024, para September 20, 2024 tak
- Joined Candidates’ Data laga Verification, MCC para data laga Institutes & Sharing : September 21, 2024 para September 22, 2024 tak
Desh laga 710 medical colleges dey approximately 1.10 lakh MBBS seats laga
allotment karney counselling itia chuli asey. Itu counselling toh 1,000 BDS seats karneh bhi lui aseg, Ayush aro nursing seats milaina.
MCC para 15 per cent All-India Quota seats, sob AIIMS laga 100 per cent seats, JIPMER Pondicherry, sob central university seats, aro 100 per cent deemed university seats karney counselling conduct kuribo.
Add Comment