Anaemia camp conduct kurishey, GMS Kigwema tey

September 13, 2024: Ekta awareness camp organize kurishey, adolescent chukri khan nimitey, maiki manu laga health opor tey, kuntu toh hoiley itu Social Welfare laga department para organize kurishey, Jakhama ICDS Project under tey, Health aru Family Welfare department logotey convergence kuri kena, GMS Kigwema village tey, Kohima laga, 13^th September, 2024 tey. Itu program laga homoi tey, itu Health Educator PHC Kimipfüphe, Awheno para itu participant khan ke anaemia toh ki asey itu laga opor tey samjhaishey aru itu hoishey koiley symptom khan ki asey ki cure khan asey itu khan opor tey kotha kurishey. Tai para koishey, anemia toh hoiley control kuriboley parey thik thak para bhat khan aru dawai khan khaishey koiley. Itu bimar ulaishey koiley saas khan loa toh khata hoi jai, aru fatigue hoi jai tai para koishey. Maiki khan laga Empowerment nimitey District Hub aru Beti Bachao Beti Padhao  Kohima Gender Specialist, Kesoneinuo para bhi itu program tey kotha kurishey aru sanitary pad khan distribute kurishey chukri student khan ke. Supervisor, Diethovino Lhoushe  kun para toh hoiley itu program tey chair kurishey, tai para bhi keynote address khan deliver kurishey. Tai para koishey, Poshan Maa campaign kuntu toh hoiley India laga flagship programme asey, utu toh hoiley Prime Minister para launch kuria laga asey, nutritional outcome improve kuriboley karney bacha khan, adolescent chukri khan, pregnant maiki khan aru duut di thaka ama khan nimitey. Avizono Yhoshü AWW para Isor laga blessing invoke kurishey, Teacher R. Alex Phira para welcome address propose kurishey, aru Poshan Block Coordinator, Kikrukhrielie Nagi para vote of thanks koishey.