NEW DELHI, NOVEMBER 19 : India desh laga purana Prime Minister Indira Gandhi toh 19th November 1917 sal te Uttar Pradesh state laga Allahabad te junum hua laga ase. Aro tai junum hua din toh Monday din thakise. Aro tai toh purana aro India desh laga ahke Prime Minister Pandit Jawaharlal Nehru aro tai laga maiki Kamala Nehru laga ahke maiki bacha ase. Aro tai India desh laga Prime Minister nemite tai laga bapa bejete 3 bar hua laga ase. Etubi 16 sal nemite. Aro etu PM nemite 3 bar hua pora tai ke 2nd wala lamba hisabte hua laga ase. Etubi tai laga bapa bejete.
Etu Purana PM Indira Gandhi laga junum din nemite Sonia Gandhi aro tai laga moda bacha, Congress President Rahul Gandhi aro tusera Congress Party leaders kan kobi purana PM Manmohan Singh, purana President Pranab Mukherjee, purana Vice President Hamid Ansari kan Shakti Sthal te ekta hisab dekhaidiya janaide thakise (pay tribute) koise. Etu oporte Prime Minister Narendra Modi, Union Home Minister Rajnath Singh, Congress Leader Ashok Gehlot aro Congress Party kotha kura Randeep Singh Surjewala kan porabi bhal kotha aro hisab dekhaidiya janaise koise.
Add Comment