World Athletics president Lord Sebastian Coe, Bach ke succeed kuriboley 7 candidates maju dey asey

New, 17 September : World Athletics president aro two-time Olympic champion Lord Sebastian Coe, International Olympic Committee (IOC) laga next president huw9ley laga race dey seven confirmed candidates maju dey asey, kuntu March 2025 dey elect kuribo.Lord Coe, kun 1980 aro 1984 Olympics dey 1500m dey gold jitishey, tai laga candidacy dey bishi experience ani asey. Tai laga athletic success logot milaina, tai para London 2012 Olympic aro Paralympic Games ke chair nishna lead kurishey aro World Athletics laga president nishna serve kurishey, itu organisation ke bishi challenges para agey guide kurishey. Presidency karney itu competition toh stiff asey, kitia , Spain laga Juan Antonio Samaranch Jr., France laga David Lappartient, Zimbabwean Olympic swimmer Kirsty Coventry, Japan laga Morinari Watanabe, Sweden laga Johan Eliasch, aro Jordan laga Prince Feisal al Hussein nishna alag notable candidates milaina asey. Coventry, ekta seven-time Olympic swimming medalist, IOC laga history dey itu top role karney bid kuria agey mahila aro African nishna standout kuri asey.