Zunheboto deh district level youth festival 2024 lui shae

September 19, 2024: 19^th September 2024 din deh, District level Youth Festival 2024, kuto Department of youth Resources and Sports, Government of Nagaland para organise kuri shae, DHEW, SAKHI-one Stop Centre aro DAPCU lokot collaboration kuri nah, etu tho Zunheboto deh manai shae. Festival laka theme tho “Innovation in Science and Technology” taki shae. First tuita session deh, ADC Zunheboto, Keyirangding Hegui para state deh taka resources laka kotha kuri shae. Hegui para YRS department laka kam kan keh b praise kuri shae, occasion tho organize kura karne aro jawan minds kan keh ekta platform dia karne. Tai para piche deh, cultural items laka participants kan keh praise kuri shae aro taikan keh, state level events karne wish kuri shae. Competition session deh, Bloomfield High School laka Lino Kiba para first spot tho claim kuri shae aro Olympic Higher Secondary School laka Shudhanshu para second spot tho jiti shae, Declamation contest deh. Science Mela deh, Nighakivi Sumi aro Imnaren Ozukum, kun Olympic Higher Secondary School keh represent kuri taki shae, taikan top spot tho claim kuri shae aro Seven Homes School laka Lighi K. Awomi para runner up lui shae.  Painting competition deh, Corner Stone Higher Secondary School laka Onilo N.Zhimo, first deh ahi shae aro Bloomfield School laka Vikivi H.Zhimo tho second place jiti shae.