Hockey India Junior Men National Championship laga final dey UP para Punjab ke samna kuribo

Jalandhar, 19 September : Uttar Pradesh Hockey aro Hockey Punjab, taikhan laga respective semi-final match jitina 14th Hockey India Junior Men National Championship 2024 laga final dey pahunjishey.Hockey Karnataka bhi Hockey Haryana ke 3rd/4th place karney Thursday dey samna kuribo.Hockey Karnataka aro Uttar Pradesh Hockey maju dey first semifinal dey, Uttar Pradesh Hockey para itu khel 3-1 jitina final dey taikhan laga berth successfully book kurishey.Rajesh Yadav (41’), Ajeet Kumar (45’) aro Fahad Khan (57’) para winning side karney ekta goal each score kurishey kitia captain Sunil PB (53’) para Hockey Karnataka karney consolation goal score kurisheh. Itu logot, Uttar Pradesh Hockey toh itu tournament laga final dey ghusia first team huishey.Second semis dey, Hockey Punjab para ekta jaw-dropping thriller dey Hockey Haryana ke 4-4 (7-6) haraishey. Hockey Haryana para khel laga shuruwat para luina lead luishey kitia Manish Kumar (9’, 21’, 36’) para khel agey dey ekta hattrick score kurishey. Navraj Singh (54’) para bhi Hockey Haryana karney ekta goal score kurishey.Alag side dey, Hockey Punjab kun khel dey trail kuri thakishey, khel khotom huwoley homoi ekta strong comeback kurishey. Japnit Singh (43’, 59’) ekta brace score kurishey kitia Captain Ujwal Singh (50’) aro Lovenoor Singh (53’) ekta goal each score kurishey.