Indian senior men’s Hockey team, Asian Champions Trophy jitina wapis ahishey

New Delhi, 20 September : Indian senior men’s Hockey team, Indira Gandhi International Airport dey ekta warm swagat paishey, 2024 Asian Champions Trophy dey taikhan laga record-breaking jeet hua piche dey, Thursday dey.Itu Indian side, captain Harmanpreet Singh para lead kurina final dey hosts China ke 1-0 haraina fifth par karney itu trophy jitishey.2024 Paris Olympics second consecutive bronze medal jitina taikhan laga jeet luina khali ek mahina piche dey itu side toh pura tournament dey unbeaten jaishey aro knockout stage dey taikhan laga jagah register kurishey, China laga khilaf 3-0 jeet, Japan laga khilaf 5-1 jeet, Malaysia laga khilaf 8-1, Korea laga khilaf 3-1 aro rivals Pakistan khilaf A slender 2-1 jeet luina taikhan laga pool top kurishey.Korea laga khilaf semi-finals dey ekta 4-1 jeet luina India laga finals China laga khilaf set huishey, kuntu itu tournament laga sobse tough khel huwo.