3rd Nagaland Photography Festival loishey

September 20, 2024, 05:30 PM : Ekta teen-din laga event, Nagaland Photography Festival loishey, itu “Capturing Serenity “ laga theme under tey, Mokokchung laga  Yimchalu village tey para loa laga thakishey koishey, 19^th para 21^st September, 2024 tak tey. Itu event toh hoiley Photography Club Dimapur (PCD) para organize kuria laga thakishey, Team Yimchalu logotey collaborate kuri kena, photography promote kuriboley karney aru ekta platform bhi provide kuriboley, ahi thaka perform kuriboley laga artist khan nimitey, aru local entrepreneurs khan nimitey, tai khan laga talent khan aru product khan exhibit kuriboley. Itu program tey, Chief Host, MLA & Advisor Law &Justice, Land Revenue, T.N. Mannen para attend kuri kena grace kurishey, tatey jama kuria manu khan state kuri kena ki, photography toh hoiley ekta integral part hoi kena asey, moi khan laga jeevan tey, kiley koiley, itu toh hoiley ekta important tool hisap tey kaam kurey, kuntu toh hoiley memorable event khan preserve aru capture kurey, moi khan laga jeevan tey. Tai para sob photography enthusiast khan ke full advantage loboley karney koishey, itu opportunity khan laga, tai khan laga skill khan enhance kuriboley, itu festival laga homoi tey. PCD laga president- Letminthang Kipgen para welcome address share kurishey, ekta angling competition organize kuri kena, itu venue tey. Ekta photo Exhibition gallery itu venue tey formal para inaugurate kurishey, special guest W. Nginyeih Konyak para, kun toh hoiley Nagaland State Commission for Women, Government of Nagaland laga Chairperson asey.