Chumoukedima laga DC para Travel Advisory issue kurishey

September 24, 2024, 05:30 PM : Ekta partial modification tey, travel advisory khan karney, itu 5^th September aru 12^th September, 2024 date laga, itu Chumoukedima laga Deputy Commissioner para toh sob concern khan ke inform kurishey, ki, itu National Highway 29, itu Tseidukhru range (Pagla Pahar) raasta tey, Chathe bridge (Patkai junction) aru New Chumoukedima Village majetey thaka raasta toh itya para khuli di asey, sob kisim laga gari khan karney bhi. Sob gari khan aha jawa kuriboley paribo (ekta time tey hey one way traffic thaki kena) itu koi kena thaka raasta toh hoiley Traffic Police, Chumoukedima para regulate kuriboley asey, koishey. Itu Chumoukedima Town (Old check gate) para New Chumoukedima takt oh, old Chumoukedima Village para jawa aha kuria toh itya toh bon thakiboley asey sob gari khan aha jawa kuria toh, 6:00 PM para 6:00 AM tak. Itu advisory toh hoiley 6:00 AM para shuru hoboley asey, 24^th September, 2024 laga, aru order khan nadiya tak.