H&FW para meeting loishey, NVBDCP logotey, dengue laga tyaar thaki-thaka laga nimitey

September 25, 2024, 04:10 PM : Commissioner & Secretary, Health and Family Welfare, Anoop Khinchi, IAS para ekta meeting loishey, itu National Vector Borne Diseases Control Program (NVBDCP) logotey, dengue bimar nahoboley keneka tyaari kuri asey itu janiboley, itu meeting toh tai laga Office Chamber tey para loishey, 23^rd September, 2024 tey. Emphasize kuri kena, ki, sob precautionary measure khan toh hoiley loboley lagi asey, itu public khan para, itu dengue toh rukhaboley, Khinchi para koishey, ki, Nagaland tey toh itya bishi komti dengue laga case khan asey itu saal. Eneka thakilebi, itu vector borne disease toh rukhaboley karney, tai para public khan ke aas paas khan toh sapha rakhiboley urge kurishey, pani jama hoi kena thaka jaga khan toh phekaboley koishey mochor khan aru tatey para jonom nahoboley, lamba lamba kapra khan pindiboley koishey,aru Long Lasting Insecticidal Nets (LLINs) aru repellent khan chulaboley karney koishey, mochor khan na-kamriboley. Itu Commissioner & Secretary para itu dengue helpline laga status bhi inquire kurishey, hospital toh kiman tak tyaar asey itu sai kena ary LLIN khan laga distribution laga. State Program Officer aru Joint Director of NVBDCP, Dr. Neisakho Kere para report kurishey ki, jawa saal laga homoi tey 4,943 positive case khan thakishey, itua saal toh khali 16 case khan hey asey itya tak. Tai para attribute kurishey, itu effective advocacy komti hoa laga aru awareness campaign, source reduction opor tey focus kuri kena. Dr. Kere para inform kurishey ki, NVB DCP laga team khan, itu district khan tey toh active para awareness program khan conduct kuri asey aru domestic breeding kuria jaga khan check kuri asey, mochor laga aanda khan hataboley.