Ekta ’60 din laga Tobacco Free Youth Campaign 2.0’ launch kurishey Dimapur tey

September 25, 2024, 05:10 PM : National Tobacco Control programme, Dimapur para ekta ‘60-days Tobacco-Free Youth Campaign 2.0’ laga launch kuria laga programme loishey, kuntu toh hoiley itu Health aru Family Welfare laga Ministry laga initiative asey, 24^th September, 2024 tey, Deputy Commissioner laga conference hall, Dimapur tey para. Itu campaign toh hoiley Dimapur laga Deputy Commissioner – Tinojongshi Chang para launch kurishey, notun set laga IEC material khan release kuri kena, itu campaign nimitey. DC para paachta school khan felicitate kurishey, naam khan toh- Government Middle School Phaipijang, Government High School Sarbura, Government Primary School Kirha, Neingulie Memorial High School aru Christian Mission School, itu institute sob ke Tobacco-Free School Certificate di kena, Tobacco-free Educational Institution (ToFEI) guideline khan adopt kuria nimitey, NTCP laga. Dr. Moa N Jamir, District Nodal Officer, NTCP Dimapur para key note address dishey, kun para toh hoiley inform kurishey ki, Tobacco Free Youth Campaign toh hoiley 60 din nimitey plan kuria laga thakishey, 24th September para shuru kuri kena 22nd November 2024 tak laga, kuntu toh hoiley itu social media engagement amplify kuriboley aim kuri kena. Itu campaign toh hoiley charta key strategy khan laga opor tey bhi focus kurishey: public awareness escalate kuri kena, Tobacco khawa laga itu laga biya effect khan hoa laga, Tobacco Products Act (COTPA) logotey compliance kuria toh enhance kuri kena, aru Tobacco Free Village khan promote kuri kena. NTCP activity report toh hoiley Imkumla Aier, Psychologist NTCP para present kurishey. Itu programme toh hoiley, District level Coordination Committee member khan aru School khan laga representative khan para attend kurishey.