Manipur, Arunachal Pradesh, 14th Hockey India Sub-Junior Men National Championship dey jitishey

Chandigarh, 24 September : Manipur, aro Arunachal Pradesh, 14th Hockey India Sub-Junior Men National Championship laga opening din dey taikhan laga respective matches dey jeet luwoley strong performances dikhaishey, Astroturf Hockey Stadium, Sports Complex, Sector 42 dey Monday.Manipur Hockey para Hockey Bihar 6-0 ke Pool E encounter dey haraishey. Manimatum Malbam (18’) aro Gerik Ningombam Singh (22’) para Manipur ke second quarter dey lead dishey kuntu piche dey Vishal Warimbam (43’), Konthoujam Sanjit Singh (45’), Khetrumayum Borish Singh (53’) aro Nishi Saikhom Singh (58’) para bhi score kurishey.Itu competition laga alag khel dey Hockey Arunachal para Hockey Jammu & Kashmir ke ekta one sided khel dey 9-0 haraishey. Kumar Shashank (1’, 48’), MO Sahran (22’, 58’) aro Mohd Atif (39’, 60’) tuibar score kurisheh kitia Suraj Chaudhari (34’), captain Yuvraj Das (38’), aro Mohd Imran Khan (45’) para ekta goal each score kurishey.