Swami laga Guru (Cow) laga mission toh abort kuridishey, Nagaland tey

September 27, 2024, 05:50 PM : Jagadguru Shankaracharya Swami Avimukteshwaranand Saraswati kun toh hoiley itu ‘Gau Dhwaj Sthapana Bharat Yatra’ address kuriboley laga thakishey, Kohima tey, September 28^th, tey tai Dimapur laga airport tey para wapas jaboley laga hoi jaishey, tai ki plan kuri thakishey utu pura kuriboley napari kena, tai ke itu airport para bahar jaboley rukhai di kena, authority khan para. Swami para tai laga alag paach jon manu khan logotey Dimapur tey punchishey, ekta chartered plane tey para, 1:30 p.m. phaney. Thursday tey, Kohima tey jaboley raasta phaney para, itu itya chuli thaka nationwide yatra tey participate kuriboley, ekta movement kuntu toh cow protection nimitey asey koi thaka laga aru itu cow (gurru) ke ‘ama’ laga hisap mani kena aru ekta central law guru mara toh rukhai diya laga koi kena. Tai toh hoiley ekta gurru laga flag hoist kuriboley set thakishey, airport tey. Eneka thakilebi, itu Swami aru tai laga entourage ke itu airport laga jaga tey para jaboley rukhai dishey, State government para manna kuria pichetey bhi tai khan eneka kuri thaki kena. Swami aru tai laga team khan toh hoiley khobor laga hisap tey Dimapur laga Marwari Patti tey bhi program loboley schedule thakishey, hoilebi kuriboley paranai tai khan toh wapas Guwahati tey ghurai jaboley laga hoi jaishey, 02:30 p.m. tey, itu event nimitey permission manna kuri diya pichetey. Nagaland Post ke kotha kuri kena, Chumoukedimal aga Deputy Commissioner – Plan John para itu koishey ki, itu Swami toh hoiley mon dukh thakishey, permission nadiya nimitey, Itanagar tey bhi eneka event kuriboley nadiya nimitey.