Assam Rifles para Foundation Day celebrate kurishey, Kohima orphanage aru destitute home laga

September 29, 2024, 03:45 PM : Assam Rifles para tai khan laga continue effort tey,  local community khan ke support kuriboley aru uplift kuriboley, itu Foundation day celebrate kurishey, itu Kohima Orphanage aru Destitute Home laga, dangor enthusiasm logotey. Itu event toh hoiley Maj Gen Manish Kumar, SM**, para grace kurishey, kun para toh hoiley tai laga admiration express kurishey itu alchi nalagi kena kaam kuria nimitey, itu Kohima Orphanage aru Destitute Home para, itu underprivilege bacha khan khan karney, itu region laga. Itu event tey kotha kuri kena, tai para itu Assam Rifles laga lamba homoi para khara kuri thaka commitment ke emphasize kurishey, society laga welfare karney, particular para marginalized community khan ke punchiboley karney. Assam Rifles para bhorta kitab khan kapra khan poisa khan laga aid aru essential khan distribute kurishey, khawa loa khan laga supply khan aru hudai din chulai thaka saman khan itu bacha khan ke, education encourage kuri kena aru ensure kuri kena tai khan toh basic necessity khan logotey equip asey koi kena, tai khan laga bhal aru growth nimitey. Tai laga address tey, Maj Gen Manish Kumar para community support aru collective effort khan laga importance toh highlight kurishey  itu bacha khan ke nurture kuria laga environment provide kuriboley. Itu Assam Rifles toh dedicated thaki kena asey tai khan laga mission karney, khali itu region laga security karney ekla nahoi, hoilebi humanitarian aid tey bhi active para participate kuri kena aru community build kuria activity khan tey.