Imchen para Congress Party aru tai khan MP Supongmeren Jamir chup thaka laga question kurishey

September 29, 2024, 04:45 PM : I & PR aru S&W Conservation laga Advisor aru Imkong L. Imchen para congress khan ke slam kurishey, itu guru mangso ban kuria laga yatra opor tey chup thaka opor tey. Shankaracharya laga aggressive para Nagaland tey visit kuria toh hoiley BJP laga position ke hey target kuriboley thakishey state tey & law aru order situation banaboley, Imchen para koishey. NPCC & NBCC para bhi eku kotha kuria nai, tai khan toh itu Beef Ban Yatra opor tey chup chap buhi kena asey koishey. Imchen pra Congress Party & tai khan laga MP Supongmeren Jamir chup chap thaka alga question kurishey, itu jui juli thaka issue opor tey.  Imchen para clarify kurishey ki, BJP toh hoiley itu Gau Dhwaj Sthpana Bharat Yatra logotey eku len den nai koi kena. Itu Shankaracharya laga opor tey bisara baji kuria homoi tey janiboley parishey ki, tai toh hoiley RSS & BJP logotey pura agreement tey nai koi kena.